之前真係唔多開心,但係放假乜都唔理,哈

星期六好渾渾噩噩咁過,不過就煲番交響情人夢頭幾集

真係只可以用個”正”字黎形容,越睇越好睇,野田妹好鬼正!

同埋係咁傾電話+出去拎d燒烤野,重到爆=.=

星期日就爽囉,朝早訓晏左,遲左十分鐘去巴士站

Yuki都冇乜反應,我一去到就有車,就即上車啦

架車好出奇行得咁快,又少人搭,結果40分鐘就到左黑沙

點知佢地三條友,冇炭,催我地喎,勁無奈囉

我去到,都冇幫手透爐,坐左係度,fifi個fd,係度煲煙,頂

跟住透完爐,mame同yuki番番黎,就開始燒野啦

燒到咁上下,fifi又有一個fd到,泡泡,占士,william接住到

燒果陣,無神神見到chong,我以為佢地果堆又搞燒烤

占士講先知,重慶團+馬黑祐+高一d人都有去燒,真熱門

泡泡整左d”蘋果綠茶糯米糍”,勁好食呀,我狂係度喪食

十二點幾左右,食到咁上下,我地就幾條友,丟低泡泡,走去玩

一齊去玩水,勁無奈囉,無神神比人dum落水,無奈到爆炸

不過好開心,我去黑沙咁耐都冇落過水,原來果種感覺咁爽

但係勁白痴囉,我條褲有十個褲袋,全部入晒沙

條啡色褲,唔知點解變左紫色,Orz

兩點鐘左右上左水,就拎住個袋,成個痴線佬咁行去廁所

沖沙沖左勁耐,出番黎見到mame yuki 泡泡,一齊行番去

番到去,大家都知我同yuki差唔多走,燒果d野食

我地話要,佢地都比我地,真好人^^

三點一同yuki一齊走,去到葡國領事館果度,佢落左車

我係果度塞左三個字,因為電單車慢駛遊行

去到學聯開會已經差唔多四點半,開完會,講左陣野

仲有買左張”十元十美”既捐款劵,然後同sarah落左去嘉敏度

去佢度傾計,傾到七點五,去左小泉食飯,好開心

同好耐冇見既人一齊食飯,果種感覺好正,好happy

好耐冇見啦!傾計傾左成三粒鐘,談天說地,下次一定要再約出黎!

跟住就行番去,番到黎,已經十一點,即刻睇交響情人夢,yeah

跟住唔知做乜鬼,搞到成一點先訓,

星期日,朝早七點起身,諗住搵昇一齊去步行,點知佢同假髮去

結果搵左NGA,都幾開心,一齊搭車,點知佢改路,佢去左文化中心果邊

塞車喎!!所以唯有落車,係文化中心一直行過去,幾無奈下

去到理工,咦@@冇人係度既?點知原來係對面果度…

開始行,估唔到見到姿,佢係工青報工作人員,跟住同一條路

見到軒軒,正呀!跟住佢比阿根叔鬧-.-爆無奈

跟住全程都係同NGA,孫姐同雷姐,仲有米二姐一齊行

行到番去,就同埋林生余生同佢地個fd一齊搭28C睇展覽

因為NGA話果陣有雪球計劃既展覽,去到,白等左四個字,入去藝文館

睇左半個鐘,都幾感觸,然後出黎,諗住去OK買野食,見到sonia sonic

佢地話個展覽係另一度,果一刻=.=”"”

跟住入到去,見到bobo同小帆,跟住睇展品,見到”李美芳”!!!

然後同埋bobo一齊走,原本搭巴士架嘛,點知被逼行路

我同bobo都好無奈,一直行,行到去街市果邊,我打比媽打

佢叫我買d菜番去,我上街市,關晒門,然後去橙記果邊買

買完番黎,食完野,睇左一集交響情人夢,就昏迷左三粒鐘

原本係要作劇本,都冇左件事,唯有等monkey佢地睇下點處置

而家,我要出去同義工d人睇煙花了,聽朝仲要開會,下晝搏殺,HUSH!